Kiyev Berlindən “Taurus” raketləri istəyib

Bakı, 27 may, AZƏRTAC

Ukrayna Almaniya hökumətindən atəş məsafəsi 500 kilometrə çatan “Taurus” qanadlı raketləri istəyib.

AZƏRTAC xəbər verir ki, bu barədə “Deutsche Presse-Agentur” agentliyi Almaniya Müdafiə Nazirliyinin nümayəndəsinə istinadla məlumat yayıb.

“Frankfurter Allgemeine Zeitung” qəzeti isə Ukrayna Prezidenti Volodimir Zelenskinin Berlinə səfəri zamanı Almaniya Kansleri Olaf Şoltsla “Taurus” raketlərinin Kiyevə tədarükü məsələsini müzakirə etdiyini yazıb.

“Taurus” qanadlı raketləri bir müddət öncə Londonun Ukraynaya verdiyi “Storm Shadow” raketlərinin analoqu sayılır. Lakin onların uçuş məsafəsi daha çoxdur.