DÜNYA


Kiyev şəhərində və vilayətində komendant saatı azaldılır

Kiyev, 13 may, AZƏRTAC

Mayın 15-dən Kiyev şəhərində və vilayətində komendant saatı azaldılacaq. Bu tarixdən komendant saatı 23:00-dan başlayacaq.

AZƏRTAC xəbər verir ki, bu barədə Kiyev şəhər meri Vitali Kliçko teleqram səhifəsində məlumat verib.

"Bazar günündən, mayın 15-dən komendant saatı bir saat gec başlayacaq və səhər saat 5:00-a qədər davam edəcək", - deyə Kliçko bildirib.

Onun sözlərinə görə, mayın 16-dan paytaxtda ictimai nəqliyyat daha uzun müddətə işləyəcək. Metro 06:00-dan 22:00-a kimi, yerüstü ictimai nəqliyyat isə 06:00-dan 22:30-a qədər işləyəcək.

Eyni zamanda, Kliçko komendant saatı qaydalarına riayət etməyə və hava hücumu siqnallarına məhəl qoymağa çağırıb, çünki Kiyevə raket hücumu təhlükəsi qalmaqdadır.

Qeyd edək ki, hazırda Kiyev şəhəri və vilayətində komendant saatı 22:00-05:00 radələrindədir.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.