DÜNYA


Kiyevə raket düşməsi nəticəsində yaşayış binası dağılıb – AZƏRTAC-ın FOTOREPORTAJI VİDEO

Kiyev, 26 iyun, AZƏRTAC

İyunun 26-da səhər saatlarında Kiyev şəhərinin mərkəzi hissəsinə bir neçə raket atılıb.

AZƏRTAC-ın hadisə yerindən verdiyi məlumata görə, Kiyevin Şevçenko rayonuna raketin düşməsi nəticəsində yaşayış binasında dağıntılar qeydə alınıb. Hazırda xilasetmə işləri davam etdirilir.

Ölən və yaralananlar barədə dəqiqləşdirmə aparılır.

Ukrayna Milli Polisinin rəhbəri İqor Klimenko hadisə yerindəki jurnalistlərə verdiyi məlumata görə, Kiyevə raket hücumu nəticəsində 1 nəfərin həlak olduğu, 5 nəfərin isə yaralandığı artıq məlumdur. Yaralananlardan biri 7 yaşlı uşaqdır. Dağıntılar altında hələ də insanların qaldığı güman edilir.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.