İDMAN


Klaudio Ranieri mövsümün sonuna qədər “Roma” klubunu çalışdıracaq

Bakı, 8 mart, Nicat Məmmədov, AZƏRTAC

İtaliyanın “Roma” futbol klubunun yeni baş məşqçisinin adı açıqlanıb.

AZƏRTAC klubun “Twitter”dəki rəsmi səhifəsinə istinadla xəbər verir ki, paytaxt təmsilçisinin yeni baş məşqçisi vəzifəsinə italiyalı Klaudio Ranieri təyin olunub. Ölkə mətbuatı italiyalı mütəxəssisin cari mövsümün sonuna kimi “Roma”nın sükanı arxasında olacağı barədə məlumat yayıb.

Klubun əvvəlki baş məşqçisi Eusebio Di Françesko martın 7-də istefaya göndərilib. Bu barədə qərar “Roma”nın UEFA Çempionlar Liqasının səkkizdəbir final mərhələsində “Portu” klubu tərəfindən mübarizədən kənarlaşdırmasından sonra qəbul olunub.

Klaudio Ranieri peşəkar futbolçu karyerasına məhz “Roma” klubunda başlayıb. O, 1973-1974-cü illərdə bu klubun formasını geyinib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.