DÜNYA


Klaypeda şəhərində ağac emalı zavodunda partlayış baş verib

Riqa, 5 may, AZƏRTAC

Litvanın Klaypeda şəhərində “Klaipėdos mediena” ağac emalı zavodunda partlayış baş verib.

AZƏRTAC Litva mətbuatına istinadla xəbər verir ki, partlayış nəticəsində xəsarət alan bir neçə nəfər xəstəxanaya çatdırılıb, onlardan 5-i reanimasiya şöbəsinə yerləşdirilib. Ərazidə 6 yanğınsöndürmə briqadası işləyir.

Yanğın borularda meydana gələn partlayış səbəbindən geniş əraziyə yayılıb.

Litvanın Vahid yardım mərkəzinin nümayəndəsi Vilma Yuozyaviçyute partlayışın baş verdiyi binada bioloji təmizləyici cihazın yerləşdiyini söyləyib. O bildirib ki, taxta yonqarların olduğu bina da yanıb.

Klaypeda Yanğın təhlükəsizliyi və xilasetmə xidmətinin nümayəndəsi Aureliya Maslauskienin son məlumatlarına görə, binadan 24 nəfər təxliyə olunub, onlardan 8-i xəstəxanaya çatdırılıb, 2-nin vəziyyəti ağır olar qiymətləndirilir.

Qeyd edək ki, “Klaipėdos mediena” Litvanın ən böyük zavodlarından biridir. Müəssisədə 900-dən çox işçi çalışır.

Asiman Əsədov

AZƏRTAC-ın xüsusi müxbiri

Riqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.