CƏMİYYƏT


Kofe asılılıq yaratmır

Bakı, 13 sentyabr, AZƏRTAC

Qəhvə, çay və bir sıra enerji içkilərinin tərkibində kofein var. Hətta şokoladın tərkibində də bu maddəyə rast gəlmək olar. Əslində kofein bütün dünyada ən çox istifadə olunan maddələrdəndir.

AZƏRTAC Rusiyanın the-challenger saytına istinadla xəbər verir ki, alimlər kofeinin beyinə göstərdiyi təsirləri araşdırıblar. Tədqiqatlar göstərib ki, kofein digər, faciəvi nəticələrə səbəb olan maddələr kimi asılılıq yaratmır. Əksər insanlar daha çox enerji ala bilmək üçün hər səhər bir fincan qəhvə içir.

Kofein bu enerjini necə tənzimləyir?

Alimlər bu prosesin beyində baş verdiyini deyirlər. Nevroloqların sözlərinə görə, kofe yaxşı yatmaq mümkün olmayanda, pik saatlara qədər işlədikdə və ya əhvalın pis olduğu vaxtlarda bizə kömək edir.

Kofein asılılığını araşdırmaq məqsədilə bir neçə könüllüyə iki-üç fincan qəhvədə bərabər kofein proteinləri verilib. Sonra mütəxəssislər onları xüsusi aparatın içərisinə salaraq beyinlərinin fəaliyyətini müşahidə ediblər. Müşahidələr göstərib ki, digər asılılıq yaradan maddələr beyinə böyük dozada dofamin buraxır, kofeinin təsiri isə bundan bir az fərqlidir. Kofein beyində dofamin molekullarının üzərinə qonan reseptorların sayını artırır və bu, özümüzü daha gümrah və ayıq hiss etməyə şərait yaradır.

Nəticədə məlum olub ki, kofein asılılıq yaratmır və onun çox cüzi mənfi təsirləri var.

Günün əvvəlində enerjili olmaq üçün qəhvə içmək zərurəti vərdiş sayılmır və insan istədiyi vaxt qəhvə içməyi dayandıra bilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.