DÜNYA


Konqoda qızıl mədəninin çökməsi nəticəsində azı 50 nəfər ölüb

Bakı, 12 sentyabr, AZƏRTAC

Konqo Demokratik Respublikasında leysan yağışları səbəbindən qızıl mədəni çöküb.

AZƏRTAC Al Jazeera telekanalına istinadla xəbər verir ki, qəza nəticəsində azı 50 nəfər həlak olub. Faciənin cümə günü yerli saatla 15 radələrində baş verdiyi bildirilir.

Həmin ərəfədə mədənin yerləşdiyi Cənubi Kivu əyalətində güclü yağışlar yağıb. Yayılan məlumata görə, ölənlərin əksəriyyəti gənc insanlardır. Kamituqi şəhərinin meri bildirib ki, hələlik ölənlərin dəqiq sayı bilinmir.

Şəhərdə ikigünlük matəm elan olunub, hakimiyyət orqanları yerli sakinləri həlak olanların cəsədlərinin mədəndən çıxarılmasına kömək etməyə çağırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.