REGİONLAR


Konsert proqramı və səyyar kitabxana xidməti Tərtər sakinlərinin marağına səbəb olub

Tərtər, 21 avqust, AZƏRTAC

Tərtər şəhər mədəniyyət və istirahət parkında əhalinin asudə vaxtının səmərəli keçirilməsi və istirahəti məqsədilə konsert proqramı təqdim edilib.

AZƏRTAC xəbər verir ki, Tərtər Rayon Mədəniyyət Mərkəzinin nəzdində fəaliyyət göstərən Evoğlu kənd mədəniyyət evi, Dəmirçilər kənd sənətkarlıq evi və Söylən kənd folklor klubunun bədii özfəaliyyət dərnəkləri üzvlərinin təqdim etdikləri musiqi nömrələri cəbhə bölgəsinin sakinlərində yüksək əhvali-ruhiyyə yaradıb.

Tədbirdə rayon mərkəzləşdirilmiş kitabxana sisteminin əməkdaşları sakinlərə səyyar xidmət göstəriblər. Kitab sərgisində Azərbaycan və xarici yazıçıların əsərləri, uşaq ədəbiyyatından nümunələr və kitabxanada olan yeni nəşrlər yer alıb.

Konsert proqramı və səyyar kitabxana xidməti rayon sakinləri tərəfindən maraqla qarşılanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.