CƏMİYYƏT


“Könüllülər dayanıqlı cəmiyyət formalaşdırırlar” mövzusunda müsabiqə keçiriləcək

Bakı, 15 oktyabr, AZƏRTAC 

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi və BMT-nin İnkişaf Proqramının təşkilatçılığı, o cümlədən BMT-nin Könüllülər Proqramı, ADA Universiteti və “Coca-Cola” şirkətinin birgə tərəfdaşlığı ilə “Könüllülər dayanıqlı cəmiyyət formalaşdırırlar” mövzusunda müsabiqə keçiriləcək.

Agentlikdən AZƏRTAC-a bildiriblər ki, müsabiqənin məqsədi Prezident İlham Əliyevin 2017-ci il 15 sentyabr tarixli Sərəncamı ilə təsdiq edilmiş “Azərbaycan gəncliyi 2017-2021-ci illərdə” Dövlət Proqramının həyata keçirilməsi üzrə Tədbirlər Planının 5.7.5-ci yarımbəndinə əsasən gənclər arasında könüllülük fəaliyyətinin daha geniş təşviq edilməsidir. Həmçinin Davamlı İnkişaf Məqsədlərinə nail olmaq üzrə birgə tədbirlərin gücləndirilməsi və könüllülük fəaliyyətinin təbliğidir.

Müsabiqədə iştirak etmək istəyən şəxslər öz fəaliyyətlərini ifadə edən hekayə, şəkil, video olmaqla üç kateqoriyadan biri üzrə müraciət edə bilərlər.

Münsiflər heyəti tərəfindən dəyərləndirilən 10 ən yaxşı müraciət seçiləcək. Əsas meyarlar kimi isə müraciətin könüllülük fəaliyyəti ilə bağlılığı, aydınlığı, keyfiyyəti, orijinallığı və kreativliyi, həmçinin ümumi bədii təəssürat, auditoriyaya çatdırılan mesaj nəzərə alınacaq.

Müraciətlərin qəbulu noyabrın 10-dək davam edəcək və qaliblər dekabrın 5-də “Beynəlxalq Könüllülər Günü”nə həsr olunmuş Forumda mükafatlandırılacaqlar.

Müsabiqənin qalibləri üçün mükafat fondu nəzərdə tutulub.

Müsabiqə barəsində ətraflı məlumatı http://bkg2018.asanschool.az/ saytından əldə etmək olar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.