CƏMİYYƏT


Könüllülük sərhəd tanımır...

Bakı, 3 dekabr, AZƏRTAC

“Azərbaycan Könüllülük Həftəsi” çərçivəsində növbəti aksiya Beynəlxalq Əlillər Gününə həsr olunub.

Azərbaycan Respublikasının Gənclər Fondundan AZƏRTAC-a bildiriblər ki, fiziki məhdudiyyəti olan gənclərə diqqəti çəkmək, onların cəmiyyətə reinteqrasiyasını təmin etmək və bu məsələyə toplumun həssaslığını daha da artırmaq məqsədi daşıyan aksiyada fiziki məhdudiyyəti olan 60 gənc və 50 könüllü iştirak edib.

Cəmiyyətimizdə inklüzivliyin təmin olunmasına dəstək verəcək “Könüllülük sərhəd tanımır” sosial aksiyası çərçivəsində DOST İnklüziv İnkişaf və Yaradıcılıq Mərkəzində autizm, daun sindromlu, habelə fiziki məhdudiyyətli gənclər üçün müxtəlif əyləncəli proqram təşkil olunub.

Proqram zamanı Azərbaycan könüllüləri və fiziki məhdudiyyəti olan gənclər keramika, floristika, rəqs, musiqi, təsviri incəsənət, eləcə də oyma sənəti üzrə ustad dərslərinə cəlb olunublar.

Yekunda könüllülər tərəfindən fiziki məhdudiyyətli gənclərə kiçik simvolik hədiyyələr təqdim edilib.

Qeyd edək ki, “Könüllülük sərhəd tanımır” sosial könüllülük aksiyası Gənclər və İdman Nazirliyi, Gənclər Fondu, Əmək və Əhalinin Sosial Müdafiəsi Nazirliyinin dəstəyi, Dayanıqlı və Operativ Sosial Təminat Agentliyinin tərəfdaşlığı, Azərbaycan Könüllü Təşkilatları İttifaqının isə təşkilatçılığı ilə keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.