DÜNYA


Kopenhagendə ticarət mərkəzində baş verən atışma nəticəsində bir neçə nəfər ölüb

Stokholm, 4 iyul, Rauf Əliyev, AZƏRTAC

Kopenhagendə ticarət mərkəzində baş verən atışma nəticəsində bir neçə nəfər ölüb, polis hadisənin terror hücumu olduğunu istisna etmir.

AZƏRTAC Danimarka KİV-inə istinadla xəbər verir ki, Kopenhagenin Erestad rayonunda yerləşən Field's ticarət mərkəzində baş verən atışma nəticəsində bir neçə nəfər ölüb. Hazırda hadisə yerində genişmiqyaslı polis əməliyyatı davam edir.

Kopenhagen polisinin yaydığı məlumata əsasən, hadisəni törətməkdə şübhəli bilinən 22 yaşlı şəxs saxlanılıb, onun etnik danimarkalı olduğu bildirilir.

Danimarka polisinin sözçüsü baş verənlərin terror hücumu olmasını istisna etməyib. Bununla yanaşı, atışmanın motivi və həbs edilən şəxsdən başqa cinayətkarın olub-olmaması hazırda bəlli deyil. Baş vermiş atışma ilə bağlı istintaq davam edir.

 

Rauf Əliyev

AZƏRTAC-ın xüsusi müxbiri

Stokholm

 

 

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.