Bakı, 30 iyul, AZƏRTAC

Koronavirus pandemiyası ilə mübarizə tədbirləri çərçivəsində Xəzər rayonunda keçirilən reydlər son günlərdə daha da gücləndirilib.

İyulun 29-da Bakı Şəhər İcra Hakimiyyəti, Xəzər Rayon İcra Hakimiyyəti və Rayon Polis İdarəsinin əməkdaşları tərəfindən rayon ərazisindəki ərzaq mağazalarında, apteklərdə, həmçinin fəaliyyətinə icazə verilən digər obyektlərdə, müxtəlif ticarət və xidmət sahələrində reydlər keçirilib.

Xəzər Rayon İcra Hakimiyyətindən AZƏRTAC-a bildirilib ki, reydlər zamanı bütün obyektlərin işçi heyətinə, eyni zamanda, sakinlərə tibbi maskalardan istifadə edilməsinin zəruriliyi, sosial məsafənin gözlənilməsi, sanitar-gigiyenik qaydalara düzgün riayət olunması bildirilib. Həmçinin, obyektlərdə əməkdaşların 80 faizinin peyvəndlənmiş olması tələbinin yerinə yetirilməsi vəziyyəti yoxlanılıb.

Fəaliyyətlərində nöqsan aşkar edilən bir neçə ticarət obyektlərinə ciddi xəbərdarlıqlar edilib.