DÜNYA


Koronavirusun yayıldığı bölgələrdən Latviyaya qayıdanlarda yoluxma halı aşkarlanmayıb

Riqa, 27 fevral, AZƏRTAC

Latviya Təcili Tibbi Yardım Xidmətinin əməkdaşları COVID-19 virusuna yoluxma şübhəsi ilə 19 pasiyenti müayinə etsə də, diaqnoz təsdiqlənməyib.

AZƏRTAC xəbər verir ki, qurumun rəhbəri Liene Tsipulenin “Twitter” səhifəsində yaydığı məlumata görə, bu xəstələrin hamısı son bir həftə ərzində İtaliyanın Lombardiya və Veneto regionlarından ölkəyə qayıdıblar. Lakin laboratoriya müayinələrdən sonra onlarda COVID-19 virusunun olması təsdiqlənməyib.

Bununla yanaşı, Latviya Xəstəliklərin Profilaktikası və Nəzarəti Mərkəzindən bildirilib ki, yanvarın 29-dan etibarən Latviyada COVID-19 virusunun yayıldığı bölgələrdən qayıdan 32 nəfər yeni koronavirusa görə analiz verib. Doqquz halda analiz uşaqlardan götürülüb. Lakin bu halların heç birində COVID-19 virusu aşkar olunmayıb.

 

Asiman Əsədov

AZƏRTAC-ın xüsusi müxbiri

Riqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.