DÜNYA


Korrupsiyanın Avropa İttifaqına vurduğu zərər hesablanır

Bakı, 7 dekabr, AZƏRTAC

Avropa İttifaqının 28 üzv ölkəsində korrupsiyanın miqyası hər il təşkilatın iqtisadiyyatına 900 milyard avro zərər vurur.

AZƏRTAC Belga agentliyinə istinadla xəbər verir ki, bu barədə Avropa “Yaşıllar” Partiyasını məlumat yayıb.

Korrupsiya əleyhinə OLAF agentliyinin son hesablamalarına görə, Aİ ölkələri hər il korrupsiya səbəbindən 323 milyard avro vəsait itirir ki, bu da ittifaqın 7 illik büdcəsinin demək olar, 30 faizini təşkil edir.

Avropa Komissiyası isə öz növbəsində, rüşvətxorluq və büdcə mənimsəmələrinin hər il Aİ-yə vurduğu zərərin 120 milyard avronu (Avropa İttifaqı büdcəsinin təxminən 7 faizi) ötdüyünü bildirib. 2013-cü ildə üzv ölkələrin prokurorluqları tərəfindən vəzifə səlahiyyətlərindən sui-istifadə və rüşvətxorluq faktları üzrə qurumun tarixində rekord sayda – 68 minə yaxın cinayət işi açılıb.

Digər bir məlumata görə, Aİ-də korrupsiya üzrə ən pis göstərici Rumıniyada (ÜDM-in 15 faizi), ən yaxşı göstərici isə Niderlandda (ÜDM-in 0,76 faizi) qeydə alınıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.