ELM VƏ TƏHSİL


Kosmosda uzun müddət qalmağın baş-beyinə təsiri araşdırılıb

Bakı, 8 sentyabr, AZƏRTAC

Alimlər kosmosda uzun müddət qalmağın baş-beyinin quruluşuna təsirini araşdırıblar. Müvafiq tədqiqatın nəticələri “Science Advances” nəşrində dərc edilib.

AZƏRTAC RİA Novosti saytına istinadla xəbər verir ki, Avstraliya, Belçika, Almaniya və Rusiya alimləri Beynəlxalq Kosmik Stansiyada orta hesabla 171 gün olmuş 11 nəfər rusiyalı kosmonavtın beyin quruluşunu tədqiq ediblər. Alimlər onların hər biri üçün üç dəfə (bir dəfə uçuşdan əvvəl, iki dəfə uçuşdan sonra) diffuziya MRT-si həyata keçiriblər.

Tədqiqatçıların fikrincə, neyrovizualizasiya metodlarından istifadə edilməsi kosmik uçuşdan sonra beyində struktur və funksional dəyişikliyi ilk dəfə müəyyənləşdirməyə imkan yaradıb. Məlum olub ki, uzun müddət çəkisizlik şəraitində qalmaq nəticəsində ağ və boz maddənin paylanması dəyişir, habelə baş-beyinin mədəcikləri genişlənir və onlarda onurğa beyin mayesi çoxalır. Beləliklə, sinir sistemi çəkisizliyə uyğunlaşır və beyinin hərəkətə nəzarət edən nahiyələrinə daha çox yük düşür.

Yerə qayıdan kosmonavtda bu vəziyyət yeddi aydan sonra bərpa olunur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.