CƏMİYYƏT


Krasnoyarsk diyarının qubernatoru həmvətənimizə Rusiya Prezidentinin Fəxri Fərmanını təqdim edib

Moskva, 14 iyun, AZƏRTAC

Krasnoyarsk diyarının qubernatoru Aleksandr Uss həmvətənimiz, Krasnoyarsk Şəhər Deputatları Sovetinin deputatı Taleh Mahmudova Rusiya Prezidentinin Fəxri Fərmanını təqdim edib.

AZƏRTAC xəbər verir ki, Krasnoyarsk diyarında bu regionun fərqlənmiş sakinlərinə Rusiyanın dövlət təltiflərinin təqdim edilməsi mərasimi keçirilib. Təltif olunanlar arasında bizim həmvətənimiz, Krasnoyarsk diyarının Azərbaycan Milli-Mədəni Muxtariyyətinin sədri Krasnoyarsk Şəhər Deputatları Sovetinin deputatı Taleh Mahmudov da olub. T.Mahmudov əməkdə qazandığı uğurlara, səmərəli ictimai fəaliyyətinə və çoxillik namuslu əməyinə görə Rusiya Federasiyası Prezidentinin Fəxri Fərmanına layiq görülüb.

Taleh Mahmudov 1961-ci ildə Azərbaycanın Ağsu rayonunda anadan olub. Krasnoyarsk Dövlət Mühəndis-İnşaat İnstitutunu bitirəndən sonra həmin diyarda yaşayır.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.