DÜNYA


Kremençuka raket hücumundan sonra itkin düşənlərlə bağlı 40-dan artıq müraciət daxil olub

Kiyev, 28 iyun, AZƏRTAC

Ukraynanın Poltava vilayətinin Kremençuk şəhərinin ticarət mərkəzinə endirilən raketdən sonra qohumlarının itkin düşməsi ilə bağlı hüquq-mühafizə orqanlarına 40-dan artıq müraciət daxil olub.

AZƏRTAC xəbər verir ki, bu barədə Ukraynanın Baş Prokurorluğu Ofisi rəsmi saytı məlumat yayıb. Bildirilib ki, indi xilasedicilər ticarət mərkəzinin qalıqlarını sökməyə davam edirlər. Yanğın səbəbindən iş çətinləşib, onun qarşısını almaq üçün tədbirlər görülür.

Məlumatda qeyd edilir ki, hazırda 14 nəfərin öldüyü, 59 nəfərin xəsarət aldığı müəyyən edilib. Xəsarət alanların yarısının vəziyyəti ağırdır.

Qeyd edək ki, raket hücumu zamanı ticarət mərkəzində çoxsaylı insan olub. Ona görə də itkilərin sayının artacağı ehtimal edilir.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.