DÜNYA


Kreml: Rusiya sərhədlərinin açılması barədə hələlik heç bir qərar yoxdur

Moskva, 25 iyun, AZƏRTAC

Rusiya sərhədlərinin açılması barədə hələlik heç bir qərar yoxdur.

AZƏRTAC xəbər verir ki, bu barədə Kremlin mətbuat katibi Dmitri Peskov jurnalistlərə məlumat verib. O deyib ki, sərhədlərin açılması barədə qərar Rusiya hökuməti yanında koronavirusla mübarizə qərargahında epidemioloqların rəyi və xarici ölkələrdən alınan məlumatlar nəzərə alınmaqla qəbul ediləcək.

Prezident Vladimir Putinin bu məsələni xarici dövlətlərdə, o cümlədən MDB-dəki həmkarları ilə müzakirə etdiyini vurğulayan D.Peskov qeyd edib ki, xarici vətəndaşların öz vətənlərinə qayıda bilməməsi koronavirus pandemiyası ilə əlaqədar yaranmış görünməmiş vəziyyətlə bağlıdır. Kremlin sözçüsü bildirib ki, hələlik sərhədlərin açılmasına dair konkret müzakirələr aparılmayıb.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.