MƏDƏNİYYƏT


Kristel dö Mönye: Mədəniyyət Mərkəzi Azərbaycanın giriş qapısıdır

Paris, 16 sentyabr, AZƏRTAC 

Özümü doğma yerdə hiss etdim. Burada tərənnüm olunan mədəniyyəti, dünyaya açıqlığı çox sevdim. Gördüklərim o qədər zəngin və gözəldir ki, hisslərimi ifadə etməkdə çətinlik çəkirəm. Birinci dəfə gəlməyimə baxmayaraq, sanki bu mərkəzi çoxdan tanıyıram.

Bu fikirləri AZƏRTAC-a müsahibəsində “Avropa İrs Günləri” çərçivəsində Parisdəki Azərbaycan Mədəniyyət Mərkəzini ziyarət etmiş Kristel dö Mönye söyləyib.

Qeyd edib ki, Mərkəzin nəzdindəki muzey Azərbaycan, onun tarixi, mədəniyyəti haqqında tam təsəvvür yaradır. “Eksponatların rəngləri diqqətimi daha çox cəlb etdi. Milli geyimlər, musiqi alətləri, xalçalar misgərlik nümunələri ölkənizin zəngin tarixindən xəbər verir. Fotosərgini də çox sevdim, onun vasitəsilə Bakıya səyahət etdik, bu şəhərlə tanış olduq. Səfirliyinizin Mədəniyyət Mərkəzi Azərbaycanın giriş qapısıdır”, - deyə Kristel dö Mönye bildirib.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.