İDMAN


Kriştiano Ronaldo gələn il Turin klubundan ayrıla bilər

Bakı, 18 aprel, AZƏRTAC

İtaliyanın “Yuventus” futbol klubunun hücumçusu Kriştiano Ronaldo 2020-ci ildə Turin klubundan ayrıla bilər.

AZƏRTAC xarici KİV-lərə istinadla xəbər verir ki, 34 yaşlı portuqaliyalı hücumçu komandasının UEFA Çempionlar Liqasında məğlub olmasından sonra Turin klubundan ayrıla bilər. Hücumçu 2007-ci ildən bu yana ilk dəfədir ki, çıxış etdiyi klub dörddəbir final mərhələsində məğlub olur. Bu səbəbdən hücumçu “Yuventus”da karyerasının zəiflədiyi üçün 2020-ci ildə komandadan ayrılmaq istəyir.

Kriştiano Ronaldo bəzi mənbələrə görə, “Mançester Yunayted” klubuna transfer olunmasını istəyir. O, 2002-ci ildə “Sportinq” klubunda ilk debütünü edib. İngiltərənin “Mançester Yunayted”, İspaniyanın “Real Madrid” klublarında çıxış edən hücumçu UEFA Çempionlar Liqasının kubokunu beş dəfə başı üzərinə qaldırıb.

Qeyd edək ki, portuqaliyalı hücumçu cari mövsümdə “Yuventus”un heyətində 38 oyunda 26 qol vurub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.