SİYASƏT


Ksavye Rişe: Dağlıq Qarabağ münaqişəsinin həllinin uzanması Ermənistan üçün yaxşı heç nə vəd etmir VİDEO

Paris, 10 yanvar, AZƏRTAC

Dağlıq Qarabağ münaqişəsinin həllinin uzanması regionun heç bir ölkəsinə, xüsusilə də Ermənistana yaxşı heç nə vəd etmir.

Bu fikri AZƏRTAC-a müsahibəsində Fransanın Sorbon Universitetinin professoru Ksavye Rişe söyləyib.

Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyevin Fransada qabaqcıl beyin mərkəzlərinin rəhbərləri ilə görüşündə iştirak etmiş Ksavye Rişe Azərbaycanın Cənubi Qafqazdakı yeri, Fransa, eləcə də Avropa İttifaqı ilə münasibətlərinə dair bir çox mühüm məsələlər ətrafında müzakirələr aparıldığını vurğulayıb. O, həmçinin Dağlıq Qarabağ münaqişəsi ilə bağlı suallara da cavab tapdıqlarını qeyd edib.

“Həmin görüşdə belə bir sual səsləndirildi və bu sualın cavabı mənə də maraqlı oldu. Dağlıq Qarabağ münaqişəsi ilə Ermənistan nəyə nail olub? Cavab belə oldu ki, heç nəyə. Düşünürəm ki, münaqişənin həlli ilə məşğul olan həmsədrlər səylərini artırmalıdırlar. İşğala son qoyulmalı, münaqişə sülh yolu ilə həll edilməlidir. Dövlət sərhədlərinin toxunulmazlığı ilə bağlı söylənilən fikirlər də çox önəmli idi”, - deyə professor bildirib.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.