CƏMİYYƏT


Kultivasiya yolu ilə yetişdirilən narkotik tərkibli bitkilərin aşkarlanması istiqamətində tədbirlər davam etdirilir

Bakı, 19 sentyabr, AZƏRTAC

Polis əməkdaşları kultivasiya yolu ilə yetişdirilən narkotik tərkibli bitkilərin aşkarlanması istiqamətində tədbirləri davam etdirirlər.

Daxili İşlər Nazirliyinin mətbuat xidmətindən AZƏRTAC-a bildiriblər ki, Saatlı Rayon Polis Şöbəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində Mustafabəyli kənd sakini, əvvəllər məhkum olunmuş Z.Ziyadov saxlanılıb. Axtarış zamanı ondan 445 qram marixuana götürülüb.

Xəzər Rayon Polis İdarəsinin 1-ci polis şöbəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində isə Qala qəsəbəsi ərazisində Siyəzən rayon sakini, əvvəllər məhkum olunmuş H.Quliyevə məxsus həyətyanı sahədən kultivasiya yolu ilə yetişdirilmiş 32 çətənə kolu, habelə evindən 260 qrama yaxın marixuana aşkarlanıb.

Faktla bağlı araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.