CƏMİYYƏT


Kür çayının Qıraqkəsəmən məntəqəsində suyun səviyyəsi artıb

Bakı, 10 dekabr, AZƏRTAC

Hazırda Böyük Qafqazın Quba-Xaçmaz bölgəsi çaylarında sululuq ongünlük normanın 70-90, Kiçik Qafqazın çaylarında 150-250, Lənkəran-Astara bölgəsi çaylarında isə orta hesabla 130-180 faizini təşkil edir.

Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə dekabrın 10-da Kür çayının Qıraqkəsəmən məntəqəsində suyun səviyyəsi 6 santimetr artıb. Hazırda məntəqədə su sərfi saniyədə 247 kubmetr olmaqla ongünlük normanın 157 faizini təşkil edir.

Qanıx çayının Əyriçay məntəqəsində suyun səviyyəsi 6 santimetr azalıb. Hazırda məntəqədə su sərfi saniyədə 94 kubmetr təşkil etməklə ongünlük normanın 122 faizinə bərabərdir.

Dekabrın 10-da Kür çayının aşağı axınında suyun səviyyəsində əsasən mühüm dəyişiklik müşahidə olunmayıb. Belə ki, Kür çayının Şirvan məntəqəsində 2 santimetr artım, Bankədə 2, Araz çayının Novruzlu məntəqəsində isə 5 santimetr azalma qeydə alınıb. Lakin Kür çayının Surra məntəqəsində suyun səviyyəsi dəyişməyib.

Hazırda suyun səviyyəsi Surra məntəqəsində 442, Şirvanda 327, Bankədə 251, Araz çayının Novruzlu məntəqəsində isə 140 santimetrə bərabərdir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.