REGİONLAR


Kürdəmir kümçüləri “Azəripək” MMC-yə 20 tondan çox barama təhvil veriblər

Kürdəmir, 20 iyun, AZƏRTAC 

Kürdəmir rayonunda barama tədarükü davam edir. Kümçülər indiyədək “Azəripək” MMC-yə 20 min 56 kiloqramdan çox barama təhvil veriblər.

Rayon Statistika İdarəsindən bu barədə AZƏRTAC-ın bölgə müxbirinə verilən məlumatda bildirilir ki, cari mövsümdə rayon üzrə 25 yaşayış məntəqəsi olmaqla, 195 ailəyə 520 qutu (9880 qram) ipəkqurdu toxumu paylanılıb. Qaramahmudlu, Carlı, Yenikənd, Köhünlü, Sovla, Qarasaqqal, Qocalı və digər kəndlərdən olan kümçülər yüksək peşəkarlıqla bol məhsul yetişdiriblər.

Qeyd edək ki, son illər bölgədə vaxtilə ənənəvi sahə olan, bir aydan bir qədər çox müddətə yaxşı gəlir gətirən baramaçılığa maraq getdikcə artır. Təsadüfi deyildir ki, indiyədək istehsal edilən barama ötən il ümumilikdə satılan məhsuldan 8 min 544 kiloqram çoxdur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.