REGİONLAR


Kürdəmirdə “Son zəng” xüsusi coşqu ilə qeyd olunub VİDEO

Kürdəmir,14 iyun, AZƏRTAC

Kürdəmir rayonunun ümumtəhsil məktəblərində “Son zəng” mərasimi xüsusi coşqu ilə keçirilib.

AZƏRTAC-ın bölgə müxbiri xəbər verir ki, bütün təhsil ocaqlarında, o cümlədən şəhər 6 nömrəli tam orta məktəbində keçirilən “Son zəng”də müəllimlər, valideynlər, təhsil şöbəsinin nümayəndələri iştirak ediblər. Çıxışlarda respublikamızda təhsilə göstərilən dövlət qayğısından, aparılan təhsil islahatlarından, Kürdəmirin ümumtəhsil məktəblərinin maddi-texniki bazasının yaxşılaşdırılması istiqamətində görülən işlərdən, qazanılan uğurlardan danışılıb, məzunlara gözəl gələcək arzulanıb.

Vurğulanıb ki, cari tədris ilində rayonda 953 şagird məzun adını qazanıb, onlardan 524 nəfəri ali təhsil ocaqlarına qəbul üçün sənəd verib. Bu il 1248 şagird birinci sinfi başa vurur və 1300 nəfərin isə birinci sinfə qəbulu nəzərdə tutulur.

Tədbirdə məzunlarla yanaşı birincilər də şeirlər söyləyib, kompozisiyalar nümayiş etdiriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.