REGİONLAR


Kürdəmirdə barama tədarükünə başlanılıb

Kürdəmir, 7 iyun, AZƏRTAC 

Kürdəmir rayonunda yaş barama tədarükünə başlanılıb və mövsümün ilk günündə istehsalçılardan 1353 kiloqram məhsul qəbul olunub.

Rayon icra hakimiyyətindən AZƏRTAC-ın bölgə müxbirinə bildirilib ki, builki mövsümdə 253 kümçü tərəfindən 825 qutu (15675 qram) ipəkqurdu bəslənilib və bol məhsul yetişdirilib. Rayonun Qaramahmudlu, Sovla, Mollakənd, Carlı, Yenikənd, Köhünlü, Qocalı və digər yaşayış məntəqələrində kümçülər daha yüksək məhsuldarlığa nail olublar.

Mövsümün ilk günündə Sovla kəndindən Ərzuman Məmmədov məntəqəyə 115 kiloqram, Qaramahmudlu kəndindən Əlisa Azayev 111,6 kiloqram, Qocalı kəndindən Sənan Məmmədov 95,4 kiloqram yaş barama təhvil veriblər. Yaş barama “Azəripək” MMC-nin nümayəndələri tərəfindən qəbul edilir.

Rayon üzrə cari mövsümdə 33 tondan çox yaş barama tədarükü gözlənilir ki, bu da ötən ildəkindən 13 ton çoxdur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.