REGİONLAR


Kürdəmirdə gənclər sosial media sahəsi üzrə maarifləndiriliblər

Kürdəmir, 29 iyul, AZƏRTAC

Gənclərin İnkişaf və Karyera Mərkəzinin (GİKM) Kürdəmir nümayəndəliyində rayon gəncləri üçün "Sosial şəbəkələrdən istifadə qaydaları" mövzusunda təlim keçirilib.

AZƏRTAC-ın bölgə müxbiri xəbər verir ki, region gənclərinin sosial media sahəsi üzrə maariflənməsi məqsədi ilə təşkil olunan təlimdə 19 nəfər gənc iştirak edib. GİKM-in Kürdəmir nümayəndəliyinin İctimaiyyətlə əlaqələr üzrə mütəxəssisi Çinarə Rəsulova gənclərə sosial şəbəkələrdən istifadə qaydaları, onların yaranma səbəbləri, bir-birindən fərqli cəhətləri, üstünlükləri və istifadəçi sayı haqqında məlumat verib.

Təlim çərçivəsində gənclər 5 qrupa bölünərək mövzulara uyğun qrup işləri təqdim ediblər.

Sonda gəncləri maraqlandıran suallar əsasında müzakirələr aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.