REGİONLAR


Kürdəmirdə gənclərlə görüş keçirilib

Kürdəmir, 2 iyul, AZƏRTAC

Kürdəmirdə Rayon İcra Hakimiyyətinin təşkilatçılığı ilə respublikamızın ali məktəblərində təhsil alan kürdəmirli gənclərlə görüş keçirilib.

AZƏRTAC-ın bölgə müxbiri xəbər verir ki, görüşdə çıxış edən Kürdəmir Rayon İcra Hakimiyyətinin başçısı Elxan İbrahimov dövlətimizin gənclər siyasətindən, gənclərə göstərilən diqqət və qayğıdan danışıb, xalqımızın, ölkəmizin gələcəyi olan vətənpərvər, savadlı, məsuliyyətli, mübariz gənclərlə fəxr etdiyini söyləyib. Prezident, Ali Baş Komandan İlham Əliyevin rəhbərliyi ilə 44 günlük Vətən müharibəsində Azərbaycan gəncliyinin göstərdiyi böyük rəşadəti diqqətə çatdıran icra başçısı torpaqlarımızın azad edilməsi uğrunda döyüşlərdə Kürdəmirdən olan gənclərin də xidmətlərindən danışıb.

Görüşdə gəncləri maraqlandıran suallar cavablandırılıb, onların rayonun sosial-iqtisadi inkişafı ilə bağlı təklifləri müzakirə edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.