REGİONLAR


Kürdəmirdə kartof əkini sahələrinin 200 hektaradək artacağı proqnozlaşdırılır

Kürdəmir, 8 yanvar, AZƏRTAC

Kürdəmir rayonunda cari mövsümdə 1100 hektardan çox sahədə yazlıq kartof əkiləcəyi gözlənilir və bunun üçün hazırlıq işləri aparılır.

Rayon icra hakimiyətindən AZƏRTAC-ın bölgə müxbirinə bildirilib ki, artıq kartof əkiləcək ərazilərdə dondurma şumu başa çatdırılıb, kifayət qədər toxum tədarük olunub.

Qeyd edək ki, bazarlarda ilboyu kartofa olan ciddi tələbat rayonda təsərrüfatın bu sahəsinə marağı artırır. Təsadüfi deyil ki, əkin sahəsi də ildən-ilə genişlənir. Ötən il sahibkarlar 910 hektardan 15 min 842 ton məhsul istehsal etmişdilər. Qarşıdakı mövsümdə əkin sahələrinin 200 hektaradək artacağı proqnozlaşdırılır. Daha çox kartof əkilən Kürqırağı ərazilərdə, o cümlədən Axtaçı, Mehdili, Qocalı, Köhünlü və bir sıra digər ərazi vahidlərində əkinə hazırlıq işləri daha mütəşəkkil aparılır. Torpaq mülkiyyətçiləri hazırda sahələrə üzvi gübrə verirlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.