REGİONLAR


Kürdəmirdə kartof əkininə başlanıb

Kürdəmir, 18 yanvar, AZƏRTAC

Kürdəmir rayonunda kartof əkilir.

Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, cari mövsümdə Kürdəmirdə 950 hektar sahədə kartof əkini proqnozlaşdırılıb. İlkin olaraq əkinə Kürqırağı ərazilərdə, o cümlədən Axtaçı, Pirli, Köhünlü icra nümayəndəliklərində başlanılıb. Az vaxtda 80 hektar sahədə kartof əkilib. Fermerlər və fiziki şəxslər bu mühüm kampaniyanın vaxtında və yüksək səviyyədə keçirilməsi üçün ciddi hazırlıq işləri görüblər. Belə ki, kifayət qədər toxum tədarük olunub, şum altına üzvi və mineral gübrələr verilib, sahələr əkinə tam hazırlanıb.

Qeyd edək ki, kartofçuluq rayonda ənənəvi təsərrüfat sahələrindəndir. Ötən il bölgədə 897 hektar sahədə kartof əkilib və 11 min 751 ton məhsul istehsal olunub. Tədarük edilən kartof ilboyu yerli və ətraf rayonların bazarlarına çıxarılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.