Kürdəmirdə tarlalardan 4880 tondan çox pambıq yığılıb

Kürdəmir, 3 dekabr, AZƏRTAC

Kürdəmir rayonunda pambıq tarlalarından indiyədək 4889 ton məhsul tədarük olunub.

Rayon Dövlət Aqrar İnkişaf Mərkəzindən AZƏRTAC-ın bölgə müxbirinə verilən məlumatda bildirilib ki, cari ilin məhsulu üçün 2044.7 hektar sahədə pambıq yetişdirilib.

Bu il tədarük olunan məhsulun 80 faizdən çoxu pambıqyığan maşınlarla toplanıb. Hər hektardan orta məhsuldarlığın ötən ildəkindən 2-3 sentner çox olacağı gözlənilir.

Qeyd edək ki, Kürdəmirdə pambıqçılıq ənənəvi təsərrüfat sahəsidir. Son günlər hava şəraitinin əlverişsiz keçməsinə baxmayaraq, rayonda məhsulun son qozasınadək yığılması üçün ciddi səy göstərilir.