REGİONLAR


Küveytin səfiri Lənkəranın turizm potensialı ilə tanış olub

Lənkəran, 16 aprel, Bağır Əliyev, AZƏRTAC

Lənkərana səfər edən Küveytin Azərbaycandakı səfiri Səud Əbdüləziz Məhəmməd əl-Şəmlan əl-Rumi rayonun görməli yerləri ilə tanış olub.

AZƏRTAC-ın bölgə müxbiri xəbər verir ki, Lənkəran Şəhər İcra Hakimiyyətində keçirilən görüşdə qonağa Lənkəran rayonunun tarixi, coğrafi mövqeyi, sosial-iqtisadi və mədəni həyatı barədə ətraflı məlumat verilib, Azərbaycan-Küveyt dostluq və əməkdaşlıq əlaqələri çərçivəsində müxtəlif sahələrdə, xüsusilə turizm sahəsində birgə işin qurulması perspektivləri barədə fikir mübadiləsi aparılıb.

Səfir Səud Əbdüləziz Məhəmməd əl-Şəmlan əl-Rumi hər iki dost ölkə arasında qarşılıqlı əməkdaşlığın və anlaşmanın bundan sonra da dərinləşməsindən ötrü səylərini əsirgəməyəcəyini bildirib.

Sonra küveytli diplomat Lənkəran şəhərindəki Heydər Əliyev Xatirə Parkında, Heydər Əliyev Mərkəzində, Tarix-Diyarşünaslıq Muzeyində, “Azərxalça” ASC-nin Lənkəran filialında, Hirkan Milli Parkı ərazisində yerləşən Xanbulançay dəryaçasında, Olimpiya İdman Kompleksində, İstisu Müalicə Mərkəzində, “Green East” çəltikçilik təsərrüfatında olub, şəhərin dənizsahili turizm ərazilərini gəzib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.