RƏSMİ SƏNƏDLƏR
LİVİYA İNQİLABININ RƏHBƏRİ, LİVİYA ƏRƏB SOSİALİST XALQ CƏMAHİRİYYƏSİNİN BAŞÇISI ZATİ-ALİLƏRİ CƏNAB MÜƏMMƏR ƏL-QƏZZAFİYƏ
Hörmətli cənab Başçı,
Liviya Ərəb Sosialist Xalq Cəmahiriyyəsinin milli bayramı – Böyük inqilab günü münasibətilə Sizi salamlayır, Sizin simanızda bütün xalqınıza təbriklərimizi yetirirəm.
Ümidvar olduğumu bildirirəm ki, Azərbaycan-Liviya münasibətləri xalqlarımızın rifahı naminə bundan sonra da dostluq və əməkdaşlıq məcrasında inkişaf edəcəkdir.
Bu əlamətdar gündə Sizə möhkəm cansağlığı, işlərinizdə uğurlar, dost Liviya xalqına əmin-amanlıq və tərəqqi arzulayıram.
Hörmətlə,
İlham Əliyev
Azərbaycan Respublikasının Prezidenti
Bakı, 22 avqust 2005-ci il.