İDMAN


La Liqa: “Real” “Barselona”nın xal itkisindən yararlana bilib

Bakı, 29 iyun, Nicat Məmmədov, AZƏRTAC

İyunun 28-də futbol üzrə İspaniya La Liqasının 32-ci turunun növbəti oyunları keçirilib.

AZƏRTAC xəbər verir ki, “RCDE” stadionunda “Espanyol” lider “Real Madrid” komandasını qəbul edib. Görüş madridlilərin minimal hesablı qələbəsi ilə başa çatıb - 1:0. Oyunun taleyini həll edən qol matçın 45-ci dəqiqəsində vurulub. Kərim Benzemanın ötürməsini braziliyalı Kazemiro dəqiq zərbə ilə tamamlayıb.

Oyunun sonrakı dəqiqələrində hesab dəyişməyib və “Real Madrid” İspaniya La Liqasında ardıcıl beşinci qələbəsini qazanaraq xal ehtiyatını 71-ə çatdırıb. Turnir cədvəlində lider olan “Real Madrid” əzəli rəqibi “Barselona”nı 2 xal fərqi ilə qabaqlayır.

Xatırladaq ki, ötən gün “Barselona” səfərdə “Selta Viqo” komandası ilə heç-heçə edib - 2:2.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.