REGİONLAR


Laçının işğaldan azad olunması Kürdəmirdə sevinclə qarşılanıb

Kürdəmir, 2 dekabr, AZƏRTAC

Laçının işğaldan azad olunması 136 laçınlı ailənin məskunlaşdığı Kürdəmirdə böyük sevinclə qarşılanıb.

AZƏRTAC-ın bölgə müxbiri bildirir ki, Prezident, Müzəffər Ali Baş Komandan İlham Əliyevin xalqa müraciətindən sonra rayonda əsl bayram əhval-ruhiyyəsi yaşanıb. İnsanlar bir-birinə gözaydınlığı verib, qələbə sevincini paylaşıblar. Gənclər avtoyürüş təşkil edərək əllərində üçrəngli bayraqlarımızla küçə və prospektləri dolaşıb, sonda Şəhidlər xiyabanına gəliblər. Onlar burada uyuyan şəhidlərimizi ziyarət edib, dualar oxuyublar. Bundan sonra avtoyürüş iştirakçıları “Yaşasın Ali Baş Komandan”, “Qarabağ Azərbaycandır”, “Laçın Azərbaycandır”, “Eşq olsun Ordumuza” şüarları səsləndiriblər.

Laçından olan məcburi köçkünlərin sevincinin həddi-hüdudu yox idi. Onlara bu sevinci yaşadan Prezident, Müzəffər Ali Baş Komandan İlham Əliyevə təşəkkürlərini və sevgilərini bildiriblər. Artıq onlar öz doğma yurdlarına qayıdacaqları günün heç də uzaqda olmadığını bilirlər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.