REGİONLAR


Laçınlılar Vətən müharibəsi şəhidlərinin xatirəsini ehtiramla yad ediblər

Ağcabədi, 27 sentyabr, AZƏRTAC

Vətən müharibəsində qəhrəmancasına döyüşmüş, ölkəmizin ərazi bütövlüyü uğrunda canlarını fəda etmiş əsgər və zabitlərimizin Anım Günü Ağcabədidə məskunlaşan laçınlılar tərəfindən də qeyd olunub.

AZƏRTAC-ın bölgə müxbiri xəbər verir ki, Yeni Azərbaycan Partiyası (YAP) Laçın rayon təşkilatının fəalları Ağcabədi rayonunun Taxtakörpü qəsəbəsində şəhidlərin xatirəsinə ucaldılmış abidə kompleksini ziyarət edərək önünə gül dəstələri qoyublar. Tədbirdə YAP Laçın rayon təşkilatının fəalları və aparatının məsul işçiləri, idarə rəhbərləri, şəhidlərin ailə üzvləri iştirak ediblər.

Tədbirdə şəhidlərin əziz xatirəsi ehtiramla anılıb, Azərbaycan ordusunun qüdrətindən, şəhidlərimizin döyüş zamanı göstərdiyi qəhrəmanlıqlardan söz açılıb.

Daha sonra şəhidlərin əziz xatirəsinə həsr olunmuş ağacəkmə aksiyası keçirilib, şəhid Ülvin Məmmədov, Elnur Cabbarov və Ehtibar Nəcəfovun məzarları ziyarət edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.