İQTİSADİYYAT


“Lady Taxi”- qadınlar üçün taksi VİDEO

Bakı, 7 iyul (AZƏRTAC). Bakıda yalnız qadınlar üçün nəzərdə tutulmuş “Lady Taxi” xidməti fəaliyyətə başlamışdır.

AZƏRTAC xəbər verir ki, B.A. Şirkətlər Qrupuna məxsus bu xidmət sırf xanımlar və azyaşlı uşaqlar üçün təşkil olunmuşdur. “Lady Taxi” xidmətinin sürücüləri də xanımlardır. Xəttə buraxılan taksilər ən son avadanlıqlarla təchiz edilmişdir. Salonda quraşdırılan GPS avadanlığı və izləmə kamerası müştərilərə rahat və təhlükəsiz səyahət imkanı yaradır. Yaxın günlərdə bu taksilərdə internet də quraşdırılacaqdır.

Gediş haqqına gəldikdə isə, sərnişinlər hər kilometr üçün 85 qəpik ödəyəcəklər. Gələcəkdə daimi müştərilərə gözəllik salonlarına, restoranlara və digər xidmət və əyləncə məkanlarına güzəşt kartlarının təqdim ediləcəyi də planlaşdırılır.

Layihə uğurlu olacağı təqdirdə, bu xidmətin Bakı ilə yanaşı, digər şəhərlərdə də həyata keçirilməsi nəzərdə tutulur.

Qeyd edək ki, “Lady Taxi”nin xidmətindən istifadə etmək üçün mobil telefonlardan *6868 nömrəsini yığmaq lazımdır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.