ELM VƏ TƏHSİL


“Landau School” təhsil müəssisəsinin şagirdləri Neft-Kimya Prosesləri İnstitutunda olublar

Bakı, 1 dekabr, AZƏRTAC

“Landau School” ümumi təhsil müəssisəsinin 11-ci sinif şagirdləri direktor müavini kimya üzrə fəlsəfə doktoru Küşvər Hacıyevanın rəhbərliyi ilə AMEA-nın akademik Yusif Məmmədəliyev adına Neft-Kimya Prosesləri İnstitutunda (NKPİ) olublar.

Bu barədə AZƏRTAC-a NKPİ-dən məlumat verilib. Bildirilib ki, əvvəlcə şagirdlər institutun baş direktoru akademik Vaqif Abbasovla görüşüblər. Görüşdə Vaqif Abbasov elm və təhsilin vəhdətindən, NKPİ-nin fəaliyyətindən, burada aparılan elmi-tədqiqat işlərindən, kimya elmində baş verən mühüm yeniliklərdən söz açıb, məktəblilərə bir sıra dəyərli tövsiyələr verib və onların suallarını cavablandırıb. Akademik müəllifi olduğu kitablardan şagirdlərə hədiyyə edib.

Sonra şagirdlər “A Level” kimya proqramı üzrə keçdikləri mövzuları praktiki olaraq müşahidə ediblər. Onlar institutun laboratoriyalarında müxtəlif aparatlarda nümunələrin necə analiz edilməsi ilə tanış olublar.

Şagirdlər, həmçinin NKPİ-də akademik Yusif Məmmədəliyevin memorial muzeyində olublar. Akademik Vaqif Abbasov şagirdlərə görkəmli alimin həyatı və elmi işləri haqqında ətraflı məlumat verib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.