DÜNYA


Latviya COVID-19-un yeni ştamı ilə bağlı səkkiz Afrika ölkəsi ilə əlaqələri dayandırıb

Riqa, 29 noyabr, AZƏRTAC

Latviya yeni növ koronavirusa yoluxma riski yüksək olan Cənubi Afrika, Lesoto, Botsvana, Zimbabve, Mozambik, Namibiya, Esvatini və Malavi ilə əlaqələri dayandırıb.

AZƏRTAC Latviya mətbuatına istinadla xəbər verir ki, bu barədə məlumatı ölkənin Xəstəliklərin Qarşısının Alınması və Nəzarət Mərkəzi yayıb.

Bildirilib ki, Latviya son 10 gündə adları sadalanan səkkiz Afrika ölkəsindən birinə səfər etmiş şəxslərin ölkə ərazisinə girişinə qadağa qoyub. Lakin Latviyada yaşamaq icazəsi olan bu ölkələrə səfər etmiş ölkə vətəndaşları və Avropa İttifaqının (Aİ) daimi sakinləri geri qayıda biləcəklər. Lakin bu kateqoriyadan olanlar Latviya geriyə qayıtdıqdan sonra test verməli və ongünlük özünütəcrid rejiminə əməl etməli olacaqlar.

Eyni zamanda, Afrikanın səkkiz ölkəsinə səyahətlər və səfərlərin təşkili də qadağan edilib.

Asiman Əsədov

AZƏRTAC-ın xüsusi müxbiri

Riqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.