DÜNYA


Latviya Təhsil və Elm Nazirliyi məktəblərə noutbukların alınması məqsədilə 4 milyon avro ayıracaq

Riqa, 15 sentyabr, AZƏRTAC

Latviya Təhsil və Elm Nazirliyi təhsil müəssisələrinin texnoloji təminatının yaxşılaşdırılması – noutbukların alınması məqsədilə “Gözlənilməz hallar üçün nəzərdə tutulmuş vəsait” büdcə proqramı çərçivəsində 3,97 milyon avro məbləğində vəsait ayıracaq.

AZƏRTAC ölkənin yerli mətbuatına istinadla xəbər verir ki, Latviya hökuməti Təhsil və Elm Nazirliyi tərəfindən hazırlanan layihəyə bu gün baxacaq.

Kompüterlər ümumtəhsil məktəblərinə (axşam, qiyabi və sosial korreksiya məktəbləri istisna olmaqla) və xüsusi təhsil müəssisələrinə 7-12-ci siniflərdə təhsil alan şagirdlərin sayına mütənasib olaraq veriləcək.

Kompüterlər alındıqdan sonra təmənnasız olaraq təhsil müəssisələrinin təsisçiləri kimi yerli özünüidarəetmə orqanlarının mülkiyyətinə veriləcək.

Asiman Əsədov

AZƏRTAC-ın xüsusi müxbiri

Riqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.