DÜNYA


Latviya parlamentinə spiker seçilib

Riqa, 7 noyabr, AZƏRTAC

13-cü çağırış Latviya Seyminin deputatları “Birlik” fraksiyasının nümayəndəsi İnara Murnietseni parlamentin spikeri seçiblər.

AZƏRTAC xəbər verir ki, parlamentin 100 nəfər deputatından 44-ü İnara Murnietsenin namizədliyini dəstəkləyib. Səsvermədə 77 parlament üzvü iştirak edib. Bu ərəfədə “Həmrəylik” fraksiyasının lideri Yanis Urbanoviç bildirmişdi ki, onun partiya yoldaşları spiker seçkisində iştirak etməyəcəklər.

İnara Murnietsenin 48 yaşı var. Öz karyerasına “Lauki avize” (“Kənd qəzeti”) nəşrində jurnalist kimi başlayan deputat 12-ci çağırış Latviya Seyminə başçılıq etmişdi.

Qeyd edək ki, 13-cü çağırış Latviya Seyminin vitse-spikeri vəzifəsinə Yeni Mühafizəkar Partiyasının nümayəndəsi Daqmara Beytnere-Le Qall seçilib. Onun namizədliyinə deputatların 65-i səs verib. Digər namizəd Qundar Daudzeni isə parlamentin 34 üzvü dəstəkləyib.

Аygün Əliyeva

AZƏRTAC-ın xüsusi müxbiri

Рига

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.