DÜNYA


Latviyada bu ayın sonunda qeyri-adi aviareysin həyata keçirilməsi nəzərdə tutulur

Riqa, 13 oktyabr, AZƏRTAC

Latviyada oktyabr ayının sonunda “Riqa” hava limanından qeyri-adi Riqa-Riqa istiqamətində aviareysin həyata keçirilməsi nəzərdə tutulur. Sərnişinlərə ölkənin Kurzeme şəhəri üzərində qısamüddətli uçuş həyata keçirmək təklif olunur.

AZƏRTAC ölkə mətbuatına istinadla xəbər verir ki, aviareys “AirBaltic” şirkətinə məxsus “Airbus A220-300” təyyarəsi ilə həyata keçiriləcək.

Reysin təşkilatçıları “Balt-Go” və “AirBaltic” turizm agentlikləridir. Oktyabrın 25-də yerli vaxtla 17:15-də yerinə yetirilməsi planlaşdırılan uçuşun müddəti saat yarım təşkil edəcək.

Bildirlilib ki, uçuş zamanı sərnişinlərə restoran yeməkləri təklif ediləcək və hava şəraiti imkan verərsə, təyyarə uçuş hündürlüyünü 900-1000 metrədək azalda biləcək ki, bununla da təbiətin gözəlliyini daha yaxından seyr etmək mümkün olacaq. Təyyarə Pavilosta şəhəri səmasında olarkən sərnişinlər Baltik dənizi üzərindən günəşin qürub etməsindən zövq ala biləcəklər.

Asiman Əsədov

AZƏRTAC-ın xüsusi müxbiri

Riqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.