DÜNYA


Latviyada güclü külək 700-dək ailəni elektrik enerjisiz qoyub

Riqa, 26 fevral, AZƏRTAC

Latviyada güclü külək səbəbindən elektrik xətlərinin sıradan çıxması nəticəsində “Sadales tīkls” şirkətinin təxminən 700 müştərisi elektriksiz qalıb.

AZƏRTAC xəbər verir ki, bu barədə şirkətin nümayəndəsi İnqa Tilhena bildirib. Gecə elektrik xətlərinin sıradan çıxması halı daha çox Lanqale əyalətində qeydə alınıb.

“Sadales tīkls” güclü külək nəticəsində qırılmış naqillərə yaxınlaşmamaq xəbərdarlığı edib. Bu barədə 8404 və ya 112 telefon nömrələrinə zəng edərək dərhal şirkətə və ya Dövlət Yanğından Mühafizə Xidmətinə məlumat verməyi xahiş edib.

Şəbəkələrə ciddi ziyan Siqulda, Madona, Krimulda bölgəsi və Liepaya şəhərlərində dəyib.

 

Asiman Əsədov

AZƏRTAC-ın xüsusi müxbiri

Riqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.