DÜNYA


Latviyada koronavirusa qarşı vaksini ilk olaraq tibb işçiləri və yaşlı insanlar əldə edəcəklər

Riqa, 14 noyabr, AZƏRTAC

Latviyada yeni növ koronavirus infeksiyasına qarşı vaksini ilk olaraq tibb işçiləri və yaşlı insanlar əldə edə biləcəklər.

AZƏRTAC xəbər verir ki, bu barədə Latviyanın Dövlət İmmunizasiya Şurasının rəhbəri Datse Zavadska Latviya Radiosuna açıqlamasında bildirib.

O, hazırda vaksinlərin məqsədinin xəstəlik və ölüm nisbətini azaltmaq olduğunu və onların virusun yayılmasına necə təsir edəcəkləri barədə danışmağın hələ tez olduğunu qeyd edib.

Datse Zavadska vaksinlərin ilk dozalarının Avropa İttifaqı (Aİ) ölkələrinə hər ölkənin əhalisinin sayına müvafiq olaraq ayrılacağını söyləyib. Gələn ilin ilk üç ayı ərzində Latviya əhalisinin 3 faizinə, ilin ortalarına kimi isə əhalinin 20 faizinə vaksin vurula bilər. İmmunizasiya şurasının rəhbəri vaksinlərin bu 3 faizini əhalinin hansı qrupunun əldə edə biləcəyinə hər ölkənin özünün qərar verdiyini söyləyib.

Asiman Əsədov

AZƏRTAC-ın xüsusi müxbiri

Riqa 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.