SİYASƏT


“Le Monde” azad olunmuş Füzulinin Mərdinli məscidinin erməni işğalçıları tərəfindən dağıdılmasından yazır

Paris, 12 noyabr, AZƏRTAC

Gənc zabit Natiq, tövləyə çevrilən Mərdinli məscidinə diqqəti çəkərək deyir: “Ermənilər orada donuz saxlayıblar”. Sonra Mərdinli müsəlman qəbiristanlığına işarə edir. Qəbirlər "erməni işğalçıları" tərəfindən dağıdılaraq alt-üst edilib. Minalandığına görə bu sahəyə yaxın getməmək məsləhət görülür.

“Bütün bu dağıntılara, qazılmış çuxurlara baxın. Yalnız xarabalıq qalmışdır. Əgər burada heç kim olmayacaqdısa, niyə bizi buradan didərgin salmışdılar”,-deyə gənc azərbaycanlı zabit Natiq ritorik sual verir.

AZƏRTAC xəbər verir ki, bu fikirlər “Le Monde” qəzetində dərc olunmuş “ Dağlıq Qarabağ: 1993-cü ildən tərk edilmiş Füzulidə Azərbaycan xarabalıq və bunkerlərə sahib çıxır” adlı məqalədə yazılıb.

Jurnalist şəhərdə bütün tikililərin darmadağın edildiyini yazır. Hətta uçuntuları qalan məbədin hansı dinə aid olduğunu müəyyən etməyin çətinliyini diqqətə çatdırır. Rastlaşdığı uçuntular içərisində bir məbədin hansı dinə aid olduğu, hətta adı dəqiq bilinmədiyini yazaraq, bunun səbəbi kimi 1993-cü il avqustun 23-dən Fizulidə heç kimin yaşamadığını göstərir.

Bildirir ki, 1989-cu ildə son siyahıyaalmaya görə 17 min sakini olmuş şəhər Dağlıq Qarabağdakı erməni qüvvələri tərəfindən işğal edilmiş və onun sakinləri evlərindən didərgin salınmışdır.

Məqalədə 1993-cü ildə erməni silahlı qüvvələri tərəfindən işğal edilmiş Füzuli rayonunun Azərbaycan ordusu tərəfindən azad olunması haqqında məlumat verilib.

Azad olunmuş Füzuli təsvir olunaraq yazılır: “Yenidən fəth etdiyi ərazilərdə Azərbaycan ordusu ruhların dolaşdığı şəhər, mərmi qırıntılarından qazılmış torpaqlar, dağıdılmış qəbiristanlıqlar və minalanmış sahələrlə üzləşir”.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.