İDMAN


Lebron Ceyms NBA-nın ən yüksək ödənişli basketbolçusu seçilib

Bakı, 14 fevral, AZƏRTAC

“Los-Anceles Leykers” klubunun forvardı 34 yaşlı Lebron Ceyms Milli Basketbol Assosiasiyasının (NBA) ən yüksək ödənişli basketbolçusu seçilib.

AZƏRTAC xarici KİV-lərə istinadla xəbər verir ki, “Forbes”in versiyasına görə, cari mövsüm basketbolçu 88,7 milyon dollar qazanıb. Bu məbləğin 53 milyon dollarını basketbolçu reklam hesabına əldə edib.

İlk üçlüyü “Qolden Steyt Uorriorz” komandasının basketbolçuları qapayıblar. Belə ki, müdafiəçi Stefan Karri 79,5, forvard Kevin Dyurant isə 65 milyon dollar qazanıblar.

İlk onluqda Rassell Uestbruk (“Oklahoma”, 53,7 milyon), Ceyms Harden (“Hyuston”, 47,4 milyon), Kris Pol (“Hyuston”, 43,7 milyon), Yannis Adetokunbo (“Miluoki”, 43,2 milyon), Damian Lillard (“Portlend”, 41 milyon), Bleyk Qriffin (“Detroyt”, 39,1 milyon) və Pol Corc (“Oklahoma”, 38,6 milyon) yer alıblar.

Reytinq siyahısının ilk onluğunda qərarlaşan basketbolçular ümumilikdə 540 milyon dollar qazanıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.