DÜNYA


“Lekima” qasırğası Çində 13 nəfərin ölümünə, 16 nəfərin itkin düşməsinə səbəb olub

Pekin, 10 avqust, AZƏRTAC

Dağıdıcı "Lekima" qasırğasının Çində törətdiyi fəsadlar nəticəsində 13 nəfər ölüb, 16 nəfər itkin düşüb.

AZƏRTAC Çin Milli Meteoroloji Mərkəzinə istinadla xəbər verir ki, gecə yerli vaxtla 1:45-də Çin sahillərinə çatan qasırğa ölkənin Cıcian vilayətində tələfat və dağıntıya səbəb olub. Küləyin sürəti saniyədə 52 metrə çatıb. Vilayətdə hələ avqustun 9-da ən yüksək səviyyədə - "qırmızı" xəbərdarlıq elan edilib.

Bu il 9-cu qasırğa olan "Lekima" ilə əlaqədar onlarla təyyarə və qatar reysləri təxirə salınıb. Yüzlərlə turist təxliyə edilib. Qasırğa ölkənin Anhuy, Fucien, Ciansu, Cıcian vilayətlərində, habelə Şanxay şəhərində və Tayvan bölgəsində şiddətli yağışlara səbəb olub.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.