QAN YADDAŞI


Lənkəran Dövlət Dram Teatrında “Xocalı harayı” adlı ədəbi-bədii kompozisiya nümayiş etdirilib

Lənkəran, 25 fevral, Bağır Əliyev, AZƏRTAC

Fevralın 25-də Nəcəf bəy Vəzirov adına Lənkəran Dövlət Dram Teatrında Xocalı soyqırımının 25-ci ildönümünə həsr olunmuş “Xocalı harayı” adlı ədəbi-bədii kompozisiya nümayiş etdirilib.

AZƏRTAC xəbər verir ki, tədbirdə soyqırımı qurbanlarının xatirəsi bir dəqiqəlik sükutla yad olunub.

Daha sonra həzin musiqi sədaları altında Xocalı faciəsinin dəhşətləri teatrın aktyorlarının ifasında tamaşaçılara çatdırılıb.

Tamaşaçılar tərəfindən maraqla izlənilən ədəbi-bədii kompozisiyada Xalq Artisti Qabil Quliyev, Əməkdar Artist Sucəddin Mirzəyev, aktyorlardan Miraslan Ağayev, Sayad Əliyev, Şəbnəm Hüseynova, Günel Abbaszadə və başqaları çıxış ediblər.

Qeyd edək ki, “Xocalı harayı” ədəbi-bədii kompozisiyanın ssenari müəllifi və rejissoru Xalq Artisti Qabil Quliyev, musiqi tərtibatçısı Fərahim Fərəcov, işıq üzrə rəssamı İlham Bayramovdur.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.