REGİONLAR


Lənkəran Dövlət Universiteti üçün yeni yataqxana binası tikilir

Lənkəran, 16 oktyabr, Bağır Əliyev, AZƏRTAC

Üç min beş yüz nəfərə yaxın tələbə və magistrantın təhsil aldığı Lənkəran Dövlət Universitetində (LDU) 160 yerlik, beşmərtəbəli yeni yataqxana binasının tikintisinə başlanılıb.

AZƏRTAC-ın bölgə müxbiri xəbər verir ki, yeni bina LDU-nun idarəçiliyinə verilmiş keçmiş peşə məktəbinə məxsus qəzalı binanın yerində tikilir.

Yaşayış sahəsi 1100 kvadratmetr olacaq yataqxana binasında tələbələrin normal istirahəti, asudə vaxtlarının təşkili üçün bütün şərait yaradılacaq. Burada kompüter otaqları, kitabxana, xidmət otaqları fəaliyyət göstərəcək.

Yataqxana binasının 2019-2020-ci tədris ilində tələbələrin istifadəsinə verilməsi nəzərdə tutulub.

Qeyd edək ki, hazırda LDU-da yalnız qız tələbələr yataqxana binasından istifadə edirlər. 50 nəfərlik qızlar yataqxanası 2016-cı ildə əsaslı şəkildə yenidən təmir olunub və burada tələbələrin yaşayışı, normal istirahəti üçün hər cür şərait yaradılıb, onların dərsə getmələri üçün ayrıca mikroavtobus da ayrılıb.

Hazırda ali təhsil müəssisəsində paralel olaraq iki yeni tədris korpusunun da tikintisi davam etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.