REGİONLAR


Lənkəran Peşə Liseyinin tələbələri yeni sosial layihəyə imza atıblar  VİDEO

Lənkəran, 22 iyun, Bağır Əliyev, AZƏRTAC

Lənkəran Peşə Liseyinin “Gənc Texniklər Qrupu” fiziki enerjini elektrik enerjisinə çevirən velotrenajor hazırlayıb.

AZƏRTAC-ın bölgə müxbiri xəbər verir ki, tədris ili ərzində müxtəlif sahələrdə biznes və sosial layihələrin təqdimatını həyata keçirən tələbələr bu dəfə liseyin müəllimi Etibar Nəhmətlinin rəhbərliyi ilə fiziki enerjini elektrik enerjisinə çevirən qurğu təqdim ediblər.

Tələbələrin hazırladığı velotrenajorda fiziki hərəkət vasitəsilə birbaşa elektrik enerjisi almaq və avtomobil akkumulyatorunu enerji ilə doldurmaq olur. Qurğu vasitəsilə akkumulyator 220-250 volt cərəyan verir.

Liseydən bildiriblər ki, bu qurğuların daha təkmil formalarını şəhərin müxtəlif yerlərində qurmaqla həm vətəndaşlar asudə vaxtlarında məşq edə bilər, həm də onların fiziki hərəkəti nəticəsində iri akkumulyatorlara enerji vermək olar. Bu alternativ enerji ilə şəhər və parkları işıqlandırmaq mümkündür. Ən əsası odur ki, gənclər innovativ layihələr üzərində işləməyi öyrənirlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.